BANDO
D. JOSE LUIS COEDO NOVO, Alcalde-Presidente do Concello de AS NOGAIS (Lugo),
F A G O S A B E R:
Que O Concello de As Nogais está adherido ao Plan Lugo Emprega a través do cal se realizará unha selección de persoal laboral temporal, na categoría de operario de servizos diversos, para a contratación de sete traballadores.
Todas as persoas que estean interesadas en participar no proceso de selección deberán solicitalo no Concello desde o día 14 ao 19 de Xaneiro, mediante a cumplimentación dunha solicitude e a aportación dunha fotocopia do DNI e da tarxeta de demandante de emprego actualizada, ou ben dun certificado de estar inscrito como desempregado en calquera oficina de emprego da provincia de Lugo.
O sistema de selección consistirá:
· Nun exercicio tipo test de 10 preguntas que versará sobre aspectos xerais de Administración Local, así como coñecementos específicos relacionados coas funcións e tarefas a desenvolver.
· Nunha entrevista curricular.
A publicación da composición do Tribunal de Selección, así como a lugar, data e hora de realización da proba de coñecementos realizarase no Boletín Oficial da Provincia. As ditas publicacións efectuaránse cunha antelación mínima de 48 horas á realización da proba de coñecemento.
Ás persoas seleccionadas formalizaráselles un contrato laboral temporal por unha duración de seis meses.
Para máis información achegarse ás Oficinas do Concello en horario de 9 a 15h de luns a venres.
Dado en As Nogais a 13 de Xaneiro de 2011
O ALCALDE
