AXUDAS DESTINADAS AO SECTOR EQUINO PARA O SEU FOMENTO E DESENVOLVEMENTO.
SOLICITUDE
Obxecto: convocatoria de axudas para o fomento e desenvolvemento do sector equino, a través das seguintes liñas:
- Axudas aos investimentos en pequenas e medianas empresas equinas ou explotacións agrarias dedicadas á produción e cría de équidos
- Axudas ás asociacións ou agrupacións de produtores
- Axudas aos investimentos en pequenas e medianas empresas agrarias equinas dedicadas á transformación e comercialización de carne de cabalo
- Axudas ás pequenas e medianas empresas non agrarias e outras institucións
- Axudas á formación
Beneficiarios: Segundo a liña de axuda, poderán ser beneficiarios:
- Os titulares de pequenas e medianas empresas agrarias equinas ou explotacións agrarias destinadas á produción e cría de équidos
- As entidades asociativas ou as súas agrupacións, agrupacións de produtores da especie equina, as CMVMC cun Plan de aproveitamento de pastos que inclúa a especie equina e as agrupacións de defensa sanitaria
- As pequenas e medianas empresas agrarias equinas dedicadas á transformación e comercialización de carne de cabalo ou as súas asociacións legalmente recoñecidas
- As pequenas e medianas empresas non agrarias e aquelas outras institucións que ofrezan servizos a terceiros con participación de équidos. En particular, os centros de aluguer ou pupilaxe de animais da especie equina, centros de lecer nos que se leven a cabo actividades ecuestres, empresas de turismo rural, centros de ensino públicos ou privados, centros deportivos ecuestres que desenvolvan a súa actividade no ámbito rural, así como fundacións, empresas e as súas asociacións, sempre que o seu obxecto sexan as actividades económicas relacionadas coa utilización de équidos e, en especial, co fomento da equitación
Prazo de presentación de solicitudes: Ata o 07/01/2011
